haraba
jaýlanan günlerimiň topragyndasyň
göwnüm gözülder
gijäm gijikdirýär daňyň sazyny
baýguşlar owazy ýaňlanyp durýar bu ýumrulan saraý harabasynda
meni diri saklan awuly tümlük
uzalýar... uzalýar
poslan nagmalarym zeýnimden geçýär
gaýlar söküp kerpiçleri gurbumdan
tütese-de bagyr
aýaklarym tokmaklaýar ýer şaryn
howsala düşüp.
düýşümde köp görnen hyýala meňzeş
daňdanyň saçlary bark urýan ýaly
janym jadygöý gijäniň elinde,
bolsa-da;
soňky demimde
gözlerim aýagyny patladyp otyr
sen ör galyp aýdym aýdarmykaň diýp,
sen ör galyp aýdym aýdarmykaň diýp!